मध्यपुरमा “सेवा नै धर्म हो” भन्ने मूल नाराका साथ खुल्ला रक्तदान कार्यक्रम सम्पन्न
Rotary Club of Madhyapur Serves Devotees at Patan Cultural Festival
9 AUG 2025
Rtn. Amit Giri Leads Impactful Session on Rotary Public Image
22 NOV 2025
मध्यपुर, ११४५ यंलागाः चतुर्दशी, असोज ५:
“सेवा नै धर्म हो” र “परिवर्तनका लागि घाइते भएका Gen Z युवाहरूलाई जीवन र आशा दिन हामी रक्तदान गर्दैछौं” भन्ने प्रेरणादायी नाराका साथ २०८२ असोज ४ गते शनिबार मध्यपुर थिमि नगरपालिकाको स्वंगा पुखुमा एक खुल्ला रक्तदान कार्यक्रम सफलतापूर्वक सम्पन्न भएको छ।
इनर ह्वील क्लब अफ मध्यपुर, रोटरी क्लब अफ मध्यपुर र रोटर्याक्ट क्लब अफ मध्यपुरको संयुक्त आयोजनामा भएको यस पुण्य कार्यमा नेपाल रेडक्रस सोसाईटी, भक्तपुर शाखाले प्राविधिक सहयोग पुर्याएको थियो। बिहान ७:३० बजेदेखि सुरु भएको कार्यक्रममा उल्लेख्य संख्यामा स्वयंसेवकहरुको उपस्थिति रहेको थियो।
रक्तदान कार्यक्रममा कुल ४८ जनाले रक्तदान गरेका छन्। जसमा २८ जना पुरुष र २० जना महिला रहेका छन्। कार्यक्रमका आयोजकहरूले रक्तदान जस्तो पवित्र कार्यमार्फत समाजमा सकारात्मक सन्देश प्रवाह गरेकोमा सम्पूर्ण रक्तदाता तथा सहयोगीहरूलाई कृतज्ञता व्यक्त गरेका छन्।
मध्यपुर थिमि नगरपालिका वडा नं. ६ का अध्यक्ष जानदास प्रजापति, इनर ह्वील क्लब अफ मध्यपुरकी अध्यक्ष अमरदेवी कोजु, रोटरी क्लब अफ मध्यपुरका अध्यक्ष चन्द्रकृष्ण चक्रधर र रोटर्याक्ट क्लब अफ मध्यपुरकी अध्यक्ष रचना प्रजापतिले कार्यक्रमको सफलताका लागि सक्रिय भूमिका निर्वाह गरेका थिए।
आयोजकहरूले रक्तदान गर्नेहरूको सक्रिय सहभागिताले मानवता, सामाजिक उत्तरदायित्व र जीवन बचाउन पुर्याएको योगदानको उच्च मूल्याङ्कन गर्दै यस्ता कार्यक्रमले अझ धेरैलाई प्रेरित गर्ने विश्वास व्यक्त गरेका छन्।
